ວັນສັດນໍ້າໂລກ ແມ່ນ ວັນສົ່ງເສີມການເສີມສ້າງສະຕິ ກ່ຽວກັບ ຄວາມສໍາຄັນຂອງຊັບພະຍາກອນນໍ້າ ແລະ ຊະນິດພັນຂອງສິ່ງທີ່ມີຊີວິດທີ່ອາໃສຢູ່. ມັນເຖິງ…

ວັນສັດນໍ້າໂລກ ແມ່ນ ວັນສົ່ງເສີມການເສີມສ້າງສະຕິ ກ່ຽວກັບ ຄວາມສໍາຄັນຂອງຊັບພະຍາກອນນໍ້າ ແລະ ຊະນິດພັນຂອງສິ່ງທີ່ມີຊີວິດທີ່ອາໃສຢູ່. ມັນເຖິງເວລາແລ້ວທີ່ພວກເຮົາຈະຊອກຫາວິທີການໃນການປົກປ້ອງ ແລະ ອະນຸລັກລະບົບນິເວດອັນມີຄຸນຄ່ານີ້, ເພື່ອຮັບປະກັນໃຫ້ໄດ້ວ່າ ພວກມັນຈະຍັງຄົງຈະເລີນເຕີບໂຕ ໃນໄລຍະເວລາອີກຫຼາຍຮຸ່ນຄົນ.

ໃນລະຫວ່າງການສະເຫຼີມສະຫຼອງວັນສັດນໍ້າໂລກ, ມັນເປັນການຢໍ້າຄືນບົດບາດອັນສໍາຄັນຂອງຊະນິດພັນສັດນໍ້າຕໍ່ກັບ ຊີວິດຂອງພວກເຮົາ. ນັບຕັ້ງແຕ່ການສະຫນອງ ອາຫານ ແລະ ການດໍາລົງຊີວິດ ໃຫ້ແກ່ຄົນຫຼາຍກວ່າລ້ານຄົນໃນໂລກ ໃນການຊ່ວຍຊະນິດພັນສັດອື່ນທີ່ ມີການອາໄສສິ່ງເຫຼົ່ານີ້, ລະບົບນິເວດທາງນໍ້າ ແມ່ນ ມີຄວາມສໍາຄັນຕໍ່ກັບ ສຸຂະພາບ ແລະ ການເປັນຢູ່ຂອງໂລກເຮົາ, ເພາະສະນັ້ນ ຈົ່ງພາກັນຢຸດລ່າ ແລະ ທໍາລາຍຖິ່ນທີ່ຢູ່ອາໄສຂອງພວກມັນ.

ແຕ່ຫາກເຫັນໄດ້ເຖິງຄວາມສໍາຄັນ, ລະບົບນິເວດດັ່ງກ່າວ ແມ່ນ ຍັງໄດ້ຮັບການຂົ່ມຂູ່. ມົນລະພິດ, ການປະມົງເກີນຂອບເຂດ, ແລະ ການປ່ຽນແປງຂອງສະພາບອາກາດ ແມ່ນ ນັບເປັນພຽງບາງສິ່ງທ້າທາຍຕໍ່ກັບຊັບພະຍາກອນນໍ້າຂອງພວກເຮົາໃນປັດຈຸບັນ. ຍ້ອນແນວນັ້ນ, ມັນຈຶ່ງສໍາຄັນກວ່າທີ່ຜ່ານມາທີ່ເຮົາຈະລົງມືປົກປ້ອງສິ່ງເຫຼົ່ານີ້.

ເພາະສະນັ້ນ, ເນື່ອງໃນໂອກາດວັນສັດນໍ້າໂລກ, ເຮົາມາຮ່ວມໃຈກັນ ຄົນລະມື ເພື່ອອະນຸລັກຊັບພະຍາກອນນໍ້າອັນມີຄ່ານີ້. ບໍ່ວ່າຈະຜ່ານການ ຫຼຸດຜ່ອນການນໍາໃຊ້ປຼາສະຕິກ, ສົ່ງເສີມການປະມົງແບບຍືນຍົງ, ຫຼື ຊຸກຍູ້ນະໂຍບາຍທີ່ໃຫ້ຄວາມສໍາຄັນແກ່ບັນຫາສຸຂະພາບທາງນໍ້າ, ເຊິ່ງມັນຍັງມີຫຼາຍວິທີທີ່ເຮົາສາມາດສ້າງການປ່ຽນແປງໄດ້. ດັ່ງນັ້ນ, ຫາກເຮົາຮ່ວມມືກັນ, ເຮົາຈະສາມາດຮັບປະກັນອະນາຄົດອັນສົດໃສຂອງລະບົບນິເວດທາງນໍ້າ ແລະ ຊະນິດພັນອື່ນໆທີ່ມີການອາໃສພວກມັນ.

ທ່ານຮູ້ຫຼືບໍ່ວ່າ ຊະນິດພັນສັດນໍ້າລຸ່ມນີ້ແມ່ນອາໃສຢູ່ໃນ ສປປ ລາວ:

ບັນຊີ CITES I:

1. ແຂ້

2. ປາຝາອິນເດຍ

3. ປາຝາ

4. ເຕົ່າອອງດາວ

5. ປາຝາຈີນ

ບັນຊີ CITES II:

6. ເຕົ່າຂຽວ

7. ເຕົ່າປາກແຫຼວ

8. ເຕົ່າສັງກະສີ

9. ເຕົ່າຫົວຄ້ອນ

10. ປາຝາແມ່ນໍ້າເຈົ້າພະຍາ

11. ປາບຶກ

12. ປາຂ່າ

ຊະນິດພັນສັດເຫຼົ່ານີ້ແມ່ນ ຖືກປົກປ້ອງ ພາຍໃຕ້ ສົນທິສັນຍາສາກົນວ່າດ້ວຍການຄ້າຂາຍຊະນິດພັນສັດປ່າ ແລະ ພືດປ່າໄມ້ທີ່ໃກ້ຈະສູນພັນລະຫວ່າງຊາດ (CITES), ເຊິ່ງກໍານົດ ກົດລະບຽບດ້ານການຄ້າຂາຍຊະນິດພັນສັດທີ່ໃກ້ສູນພັນ. ມັນຈຶ່ງເປັນສິ່ງສໍາຄັນທີ່ ພວກເຮົາມາຮ່ວມມືກັນ ຮັບປະກັນວ່າ ຊະນິດພັນສັດທີ່ໃກ້ຈະສູນພັນເຫຼົ່ານີ້ ໄດ້ຮັບການປົກປ້ອງ ແລະ ອະນຸລັກ ໃຫ້ຄົນຮຸ່ນຫຼັງໄດ້ປະຈັກຕາ.