ສະຖາບັນຊ່ວຍເຫຼືອທາງດ້ານກົດຫມາຍ ແລະ ວິຊາການ (ILSTA) ໄດ້ເຂົ້າພົບທ່ານ ຮອງຫົວຫນ້າອົງການໄອຍະການປະຊາຊົນສູງສຸດ ເພື່ອປຶກສາຫາລືກ່ຽວກັບ ການຈັດກອງປະຊຸມລະດັບຊາດ ດ້ານວຽກງານ ຕ້ານການຟອກເງິນ ແລະ ສະກັດກັ້ນການສະຫນອງທຶນໃຫ້ແກ່ການກໍ່ການຮ້າຍ ທີ່ຈະເປີດຂື້ນໃນມໍ່ໆນີ້. ກອງປະຊຸມດັ່ງກ່າວ ຈະເປັນເຈົ້າພາບຈັດໂດຍ ອົງການໄອຍະການປະຊາຊົນສູງສຸດ ໂດຍການສະຫນັບສະຫນູນຂອງ ສະຖາບັນ ILSTA ແລະ ລັດຖະບານແຫ່ງລາຊະອານາຈັກ ລຸກຊໍາບວກ.
ກອງປະຊຸມຄັ້ງນີ້ຈະເປັນເວທີສໍາຄັນ ແລະ ເປີດໂອກາດໃຫ້ບັນດາຫນ່ວຍງານໃນລະດັບຊາດ ຂອງ ສປປ ລາວ ໄດ້ພົບປະ ແລະ ຖອດຖອນບົດຮຽນ ຈາກຊ່ຽວຊານສາກົນ ແລະ ສະຖາບັນຈາກຕ່າງປະເທດ ທີ່ມີປະສົບການທາງດ້ານການປະເມີນຜົນການຈັດຕັ້ງປະຕິບັດວຽກງານຕ້ານການຟອກເງິນ ແລະ ສະກັດກັ້ນການສະຫນອງທຶນໃຫ້ແກ່ການກໍ່ການຮ້າຍ.
ຈາກຄັງຂໍ້ມູນ Facebook ຂອງ ILSTA: ຄຳບັນຍາຍຮູບພາບ ຫຼື ອັລບັມ.
ເຂົ້າເບິ່ງ ILSTA ໃນ Facebookບົດຄວາມໃນຄັງປະຫວັດ: ເນື້ອໃນສະທ້ອນຂໍ້ມູນໃນເວລາເຜີຍແຜ່ເດີມ.