ສະຖາບັນຊ່ວຍເຫຼືອດ້ານກົດໝາຍ ແລະ ວິຊາການ ຮ່ວມມືກັບ ອົງກາໄອຍະການປະຊາຊົນສູງສຸດ ແຫ່ງ ສປປ ລາວ ໄດ້ຈັດການຝຶກອົບຮົມກ່ຽວກັບ “ການສ້າງຄວາມເຂັ້ມແຂງໃນວຽກງານຕ້ານການສໍ້ລາດບັງຫຼວງ” ໃຫ້ແກ່ໄອຍາການ ທົ່ວພາກກາງ ຂອງ ສປປ ລາວ ທີ່ເມືອງ ວັງວຽງ, ແຂວງວຽງຈັນ.
ການເຝິກອົບຮົມໃນຄັ້ງນີ້ ແມ່ນເຂົ້າຮ່ວມໂດຍ ບັນດາພະນັກງານຈຳນວນຫຼາຍກວ່າ 65 ທ່ານ ຈາກອົງການໄອຍະການປະຊາຊົນພາກກາງ, ອົງການໄອຍະການທະຫານ ແລະ ອົງການໄອຍະການປະຈຳ 6 ແຂວງພາກກາງ, ເຊິ່ງລວມມີ ແຂວງ ວຽງຈັນ, ໄຊສົມບູນ, ຊຽງຂວງ, ບໍລິຄຳໄຊ, ຄຳມ່ວນ ແລະ ນະຄອນຫຼວງວຽງຈັນ.
ຜູ້ອຳນວຍການ ແລະ ເຈົ້າໜ້າທີ່ໂຄງການ ຈາກສະຖາບັນ ILSTA, ທ່ານ ຈອນ ຄອນນໍລີ ແລະ ທ່ານ ຄິດ ຟາຄູຮາຊັນ ໃຫ້ນຳພາໃນການນຳສະເໜີໃນຫົວຂໍ້ກ່ຽວກັບ ການສໍ້ລາດບັງຫຼວງ, ການຟອກເງິນ ແລະ ການສືບສວນ-ສອບສວນດ້ານການເງິນ. ມື້ທຳອິດຂອງການເຝິກອົບຮົມດຳເນີນໄປດ້ວຍການແລກປ່ຽນ ແລະ ຖາມຕອບລະຫວ່າງຊ່ຽວຊານ ແລະ ຜູ້ເຂົ້າຮ່ວມຢ່າງຄຶກຄື້ນ. ການເຝິກອົບຮົມແມ່ນພວມດຳເນີນຢູ່ ແລະ ຈະດຳເນີນຈົນເຖິງວັນທີ 4 ມີນາ ທີ່ຈະນາເຖິງນີ້.
Comments are closed.