Archive | ຂ່າວສານ

ການເຂົ້າຮ່ວມເປັນສະມາຊິກໃນ “ກຸ່ມບົດບັນຍາຍອອນລາຍ” ສຳລັບພະນັກງານລັດຖະກອນ

ສະຖາບັນ ILSTA ກຳລັງຫັນເຂົ້າສູ່ການເຮັດວຽກທາງອອນລາຍ, ໂດຍພວກເຮົາໄດ້ປະຕິບັດຕາມແຈ້ງການ ຈາກນາຍົກລັດຖະມົນຕີ ໃນມື້ວານນີ້ ກ່ຽວກັບມາດຕະການ ການກັກພື້ນທີ່ ຂອງນະຄອນຫຼວງວຽງຈັນ. ພວກເຮົາຂໍເຊີນຊວນ ພະນັກງານລັດຖະກອນທຸກທ່ານ ເຂົ້າຮ່ວມເປັນສະມາຊິກໃນ “ກຸ່ມບົດບັນຍາຍອອນລາຍ” ຂອງສະຖາບັນພວກເຮົາ ແລະ ຮັບຊົມວິດີໂອໃນຫົວຂໍ້ຕ່າງໆກ່ຽວກັບກົດໝາຍເຊັ່ນ: ການຄ້າມະນຸດ, ການຟອກເງິນ, ປະເພດຂອງອາຊະຍາກຳ, ການຕ້ານການສໍ້ລາດບັງຫຼວງ ແລະ ອື່ນໆ ໂດຍບໍ່ເສຍຄ່າໃຊ້ຈ່າຍ. ບັນດາທ່ານທີ່ເປັນພະນັກງານລັດຖະກອນ ສາມາດເຂົ້າຮ່ວມ “ກຸ່ມບົດບັນຍາຍອອນລາຍ” ໄດ້ຕາມລິງຄ໌ຕໍ່ໄປນີ້: https://www.facebook.com/groups/ILSTA.LECTURES ຫລື ສົ່ງຂໍ້ຄວາມຫາພວກເຮົາ! ຂໍໃຫ້ທຸກທ່ານຈົ່ງມີສະຕິລະວັງຕົວ ແລະ ປອດໄພ! ຫວັງວ່າຈະໄດ້ພົບທ່ານໃນບົດບັນຍາຍອອນລາຍຂອງພວກເຮົາ!

Continue Reading

ການຢ້ຽມຢາມຄຳນັບອົງການໄອຍະການປະຊາຊົນສູງສຸດແຫ່ງ ສປປ ລາວ

ຕໍ່ກັບການແຕ່ງຕັ້ງປະທານອົງການໄອຍະການປະຊາຊົນສູງສຸດແຫ່ງ ສປປ ລາວ, ສະຖາບັນຊ່ວຍເຫຼືອດ້ານກົດໝາຍ ແລະ ວິຊາການ ໄດ້ໃຫ້ການຢ້ຽມຢາມຄຳນັບຢ່າງອົບອຸ່ນ ຕໍ່ອົງການໄອຍະການປະຊາຊົນສູງສຸດແຫ່ງ ສປປ ລາວ. ປະທານສະຖາບັນ ILSTA, ທ່ານ ຣິຊາດ ຟີລິບປາກ ພົບກັບ ຫົວໜ້າອົງການໄອຍະການປະຊາຊົນສູງສຸດແຫ່ງ ສປປ ລາວ, ທ່ານ ໄຊຊະນະ ໂຄດພູທອນ. ການສົນທະນາຂອງທັງສອງຝ່າຍ ໄດ້ສຸມໃສ່ການຮ່ວມມືຂອງສະຖາບັນ ILSTA ກັບ ອອປສ ຕັ້ງແຕ່ປີ 2016, ນັບຕັ້ງແຕ່ພວກເຮົາໄດ້ຈັດກອງປະຊຸມສຳມະນາຮ່ວມກັນທັງໝົດ 120 ຄັ້ງ. ບາງຂີດໝາຍຂອງການຮ່ວມມືຂອງພວກເຮົາ ແມ່ນການສະໜັບສະໜູນ ດ້ານວິຊາການ ທີ່ສະຖາບັນ ILSTA ສະໜອງໃຫ້ ໃນການຮ່າງກົດໝາຍວ່າດ້ວຍການຊ່ວຍເຫຼືອເຊິ່ງກັນ ແລະ ກັນດ້ານກົດໝາຍ, ເຊິ່ງໄດ້ ສຳເລັດລົງ ແລະ ຮັບຮອງເອົາກົດໝາຍໃນປີກ່ອນນີ້. ສະຖາບັນ ILSTA ໄດ້ໃຫ້ການສະໜັບສະໜູນ ໃນການເພີ່ມທະວີການຮ່ວມມືສາກົນກັບ ອອປສ, ໂດຍສະເພາະ ພາຍໃນເຄືອຂ່າຍໄອຍະການຂອງອາຊຽນ. ອີກໜຶ່ງຜົນສຳເລັດ ກໍແມ່ນຫຼັກສູດພາສາອັງກິດດ້ານກົດໝາຍ ສຳລັບ […]

Continue Reading

ກິດຈະກຳເຜີຍແຜ່ຂໍ້ມູນກ່ຽວກັບປະມວນກົດໝາຍອາຍາ ແລະ ກົດໝາຍວ່າດວ້ຍການດຳເນີນຄະດີອາຍາ

ສະຖາບັນຊ່ວຍເຫຼືອດ້ານກົດໝາຍ ແລະ ວິຊາການໄດ້ໄປຢ້ຽມຢາມຫ້ອງສະໝຸດ ຂອງສະຖາບັນຄົ້ນຄວ້າ ແລະ ຝຶກອົບຮົມ, ສານປະຊາຊົນສູງສຸດ ໃນວັນທີ 6 ເມສາ ທີ່ຜ່ານມາ. ປະທານສະຖາບັນ ILSTA, ທ່ານ ຣິຊາດ ຟີລິບປາກ ໄດ້ພົບປະ ແລະ ໂອລົມກັບ ຫົວໜ້າສະຖາບັນຄົ້ນຄວ້າ ແລະ ຝຶກອົບຮົມ, ທ່ານ ອານິສັກ ຫວ່າງວິຈິດ, ກ່ຽວກັບການຮ່ວມມືກັນເພື່ອສົງເສີມພື້ນຖານ ສູ່ການກາຍເປັນສານດີເດັ່ນ ແລະ ການຝຶກອົບຮົມກ່ຽວກັບການຮັກສາ ແລະ ພັດທະນາຫ້ອງສະໝຸດ. ໃນການຢ້ຽມຍາມຄັ້ງນີ້ ສະຖາບັນ ILSTA ໄດ້ມອບປື້ມປະມວນກົດໝາຍອາຍາ ແລະ ປື້ມກົດໝາຍວ່າດວ້ຍການດຳເນີນຄະດີອາຍາ ຈຳນວນ 300 ກວ່າສະບັບ, ພ້ອມທັງມອບ ບັນດາປື້ມຄູ່ມື ແລະ ໂປສເຕີໃນດ້ານວິຊາການ ໃນຫຼາກຫຼາຍຫົວຂໍ້ດ້ານກົດໝາຍ ຈຳນວນ ຫຼາຍກວ່າ 300 ສະບັບ ໃຫ້ແກ່ຫ້ອງສະໝຸດ ຂອງສະຖາບັນຄົ້ນຄວ້າ ແລະ ຝຶກອົບຮົມ, ສານປະຊາຊົນສູງສຸດ.

Continue Reading

ກິດຈະກຳເຜີຍແຜ່ຂໍ້ມູນ ແລະ ປູກຈິດສຳນຶກຕ້ານການສໍ້ລາດບັງຫຼວງແກ່ພະນັກງານກວດກາ ຈາກມະຫາວິທະຍາໄລແຫ່ງຊາດ

ຄຽງຄູ່ກັບການຈັດ ກອງປະຊຸມກ່ຽວກັບການຕ້ານການສໍ້ລາດບັງຫຼວງ, ການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ, ສະຖາບັນ ILSTA ໄດ້ຈັດ ກິດຈະກຳເຜີຍແຜ່ຂໍ້ມູນ ແລະ ປູກຈິດສຳນຶກ ຕ້ານການສໍ້ລາດບັງຫຼວງ ຂຶ້ນໃນວັນພຸດທີ່ຜ່ານມາ ແກ່ພະນັກງານກວດກາ ຈາກມະຫາວິທະຍາໄລແຫ່ງຊາດ. ພະນັກງານກວດກາຈາກ ຈາກມະຫາວິທະຍາໄລແຫ່ງຊາດ ໄດ້ຮັບການແນະນຳ ກ່ຽວກັບ ວິທີການເຂົ້າເຖິງຂໍ້ມູນຂ່າວສານ ແລະ ບົດບັນຍາຍດ້ານກົດໝາຍ ທາງອິນເຕີເນັດ ຂອງສະຖາບັນ ILSTA, ເຊິ່ງພວກເຂົາສາມາດເຂົ້າເບິ່ງ ວິດີໂອ, ບົດບັນຍາຍອອນລາຍ ແລະ ອຸປະກອນດ້ານວິຊາການກ່ຽວກັບກົດໝາຍ, ໂດຍສະເພາະກ່ຽວກັບປະເພດຂອງການສໍ້ລາດບັງຫຼວງ. ວິດີໂອ ກ່ຽວກັບຮູບແບບຂອງການສໍ້ລາດບັງຫຼວງ ໄດ້ຖືກນຳສະເໜີ ແລະ ແນະນຳໃຫ້ເປັນອີກເຄື່ອງມືໜຶ່ງ ທີ່ສາມາດນຳໃຊ້ໃນການ ສ້າງຈິດສຳນຶກຕ້ານການສໍ້ລາດບັງຫຼວງ ໃຫ້ແກ່ປະຊາຊົນທົ່ວໄປ ແລະ ໃນລະດັບສະຖາບັນ. ໃນຕອນທ້າຍຂອງກິດຈະກຳ, ຜູ້ເຂົ້າຮ່ວມທຸກຄົນ ໄດ້ຮັບໂປສເຕີ ກ່ຽວກັບການຕ້ານການສໍ້ລາດບັງຫຼວງ, ເຊິ່ງໄດ້ກວມເອົານິຍາມຂອງການໃຫ້ ແລະ ຮັບສິນບົນ, ການຊື້ຂາຍອິດທິພົນ, ການສໍ້ໂກງ ແລະ ການສວຍໃຊ້ອຳນາດໃນທາງທີ່ຜິດ.

Continue Reading

“ກອງປະຊຸມຕ້ານການສໍ້ລາດບັງຫຼວງ, ການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ“ ແກ່ພະນັກງານກວດກາ ຈາກມະຫາວິທະຍາໄລແຫ່ງຊາດ

“ກອງປະຊຸມຕ້ານການສໍ້ລາດບັງຫຼວງ, ການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ“ ແກ່ພະນັກງານກວດກາ ຈາກມະຫາວິທະຍາໄລແຫ່ງຊາດ, ໄດ້ຖືກຈັດຂຶ້ນໂດຍ ສະຖາບັນ ILSTA ແລະ ຫ້ອງການກວດກາຂອງມະຫາວິທະຍາໄລແຫ່ງຊາດ, ທີ່ຫ້ອງຝຶກອົບຮົມຂອງສະຖາບັນ ILSTA ໃນອາທິດນີ້, ໃຫ້ກຽດເປັນປະທານໂດຍ ຮອງອະທິການບໍດີມະຫາວິທະຍະໄລແຫ່ງຊາດ, ທ່ານ ຮສ ໂພສີ ທິບດາວັນ ແລະ ປະທານສະຖາບັນ ILSTA, ທ່ານ ຣິຊາດ ຟີລິບປາດ. ເຈົ້າໜ້າທີ່ຫຼາຍກວ່າ 20 ທ່ານຈາກຫ້ອງການກວດກາຈາກມະຫາວິທະຍາໄລແຫ່ງຊາດ, ອົງການກວດກາລັດ ແລະ ສຳນັກງານຂໍ້ມູນຕ້ານການຟອກເງິນ ໄດ້ເຕົ້າໂຮມກັນເພື່ອສ້າງຄວາມເຂົ້າໃຈ ແລະ ຄວາມສາມາດ ຕໍ່ການກວດກາ ແລະ ສືບສວນ ການສໍ້ລາດບັງຫຼວງ, ການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ. ຜູ້ອຳນວຍການສະຖາບັນ ILSTA, ທ່ານ ຈອນ ຄອນນໍລີ ແລະ ເຈົ້າໜ້າທີ່ໂຄງການສະຖາບັນ ILSTA, ທ່ານນາງ ອາລິນາ ທີມຸດ ແລະ ທ່ານ […]

Continue Reading

ຫຼັກສູດຮຽນພາສາອັງກິດດ້ານກົດໝາຍ ໂດຍສະຖາບັນ ILSTA

ຫຼັກສູດຮຽນພາສາອັງກິດດ້ານກົດໝາຍ ໂດຍສະຖາບັນ ILSTA ແມ່ນເປີດສອນພາສາອັງກິດ ໃຫ້ແກ່ພະນັກງານລັດຖະກອນລາວຈາກ 19 ສະຖາບັນໃນຂະແໜງກົດໝາຍ, ທີ່ນະຄອນຫຼວງວຽງຈັນ. ຜູ້ເຂົ້າຮ່ວມຮຽນນຳພວກເຮົາ ແມ່ນຮຽນ 6 ຊົ່ວໂມງຕໍ່ອາທິດ ແລະ ໃນຂະນະດຽວກັນກໍຍັງສາມາດສືບຕໍ່ອາຊີບຫຼັກຂອງພວກເຂົາ. ພວກເຮົາມີທັງຫຼັກສູດສອນໃນຫ້ອງຮຽນ ແລະ ທາງ online. ໃນຂະນະນີ້, ຫຼັກສູດຮຽນພາສາອັງກິດດ້ານກົດໝາຍ ໂດຍສະຖາບັນ ILSTA ແມ່ນກຳລັງເປີດສອນຢູ່ທີ່ ນະຄອນປາກເຊ ແລະ ອີກບໍ່ດົນແມ່ນຈະເປີດສອນທີ່ຫຼວງພະບາງ ເຊັ່ນດຽວກັນ. ຖ້າທ່ານແມ່ນພະນັກງານລັດຖະກອນ ແລະ ຢາກປັບປຸງທັກສະພາສາອັງກິດຂອງທ່ານ, ເຂົ້າຮ່ວມຮຽນກັບພວກເຮົາຟີຣ! ກະລຸນາຕິດຕໍ່ພວກເຮົາ, ໂດຍການສົ່ງຂໍ້ຄວາມຫາພວກເຮົາໃນ Facebook ແລ້ວ ພວກເຮົາຈະຊອກຫາຫຼັກສູດທີ່ເໝາະສົມສຳລັບທ່ານ!

Continue Reading

ກິດຈະກຳເຜີຍແຜ່ຂໍ້ມູນຕ້ານການສໍ້ລາດບັງຫຼວງ ໂດຍຮ່ວມມືກັບ ອົງການກວດກາລັດ ແລະ ກະຊວງໂຍທາທິການ ແລະ ຂົນສົ່ງ

ສະຖາບັນ ILSTA ໄດ້ຈັດກິດຈະກຳເຜີຍແຜ່ຂໍ້ມູນຕ້ານການສໍ້ລາດບັງຫຼວງ ໂດຍຮ່ວມມືກັບ ອົງການກວດກາລັດ ແລະ ກະຊວງໂຍທາທິການ ແລະ ຂົນສົ່ງ. ຜ່ານກິດຈະກຳເຜີຍແຜ່ຂໍ້ມູນຕ້ານການສໍ້ລາດບັງຫຼວງ, ຜູ້ເຂົ້າຮ່ວມທັງໝົດ 120 ຄົນໄດ້ເຂົ້າຮ່ວມ ການນຳສະເໜີຫຼາຍຊຸດ ຈາກຊ່ຽວຊານຂອງ ອົງການກວດກາລັດ ແລະ ສະຖາບັນ ILSTA, ໃນຫົວຂໍ້ການຕ້ານສໍ້ລາດບັງຫຼວງ ແລະ ວຽກງານກວດກາຂອງອົງການກວດກາລັດ ໃນຂັ້ນສູນກາງ ແລະ ຂັ້ນຮາກຖານ. ສະຖາບັນ ILSTA ໄດ້ສະໜອງໂປສເຕີ ຈຳນວນໜຶ່ງ ແລະ ວີດີໂອ ຕ້ານການສໍ້ລາດບັງຫຼວງໃຫ້ແກ່ອົງການກວດກາລັດ ແລະ ກະຊວງໂຍທາທິການ ແລະ ຂົນສົ່ງ, ເພື່ອສະໜັບສະໜູນວຽກງານໃນການຕ້ານສໍ້ລາດບັງຫຼວງ. ໃນຕອນທ້າຍຂອງກິດຈະກຳ, ສະຖາບັນ ILSTA ໄດ້ຮັບໃບຍ້ອງຍໍຈາກກະຊວງໂຍທາທິການ ແລະ ຂົນສົ່ງ ແທນຄຳຂອບໃຈໃນການສະໜັບສະໜູນ ດ້ານອຸປະກອນໂຄງສະນາ ໃນການຕ້ານການສໍ້ລາດບັງຫຼວງແກ່ກະຊວງ.

Continue Reading

ກອງປະຊຸມໃຫຍ່ສະຫະປະຊາຊາດວ່າດ້ວຍການປ້ອງກັນອາຊະຍາກໍາ ແລະ ຂະບວນຍຸຕິທໍາທາງອາຍາ ຄັ້ງທີ 14

ກອງປະຊຸມໃຫຍ່ສະຫະປະຊາຊາດວ່າດ້ວຍການປ້ອງກັນອາຊະຍາກໍາ ແລະ ຂະບວນຍຸຕິທໍາທາງອາຍາສໍາລັບປີ 2020 ຊຶ່ງຖືກເລື່ອນມາໃນປີ 2021 ເນື່ອງຈາກການແຜ່ລະບາດຂອງພະຍາດໂຄວິດ ແມ່ນໄດ້ຖືກຈັດຂຶ້ນ ໃນວັນທີ 7-12 ມີນາ 2021 ຢູ່ທີ່ ນະຄອນກຽວໂຕ, ປະເທດຍີ່ປຸ່ນ. ຫົວຂໍ້ສໍາລັບກອງປະຊຸມໃຫຍ່ໃນປີນີ້ກໍຄື “ຍົກລະດັບການປ້ອງກັນອາຊະຍາກໍາ, ຂະບວນຍຸຕິທໍາທາງອາຍາ ແລະ ລັດແຫ່ງກົດໝາຍ ເພື່ອກ້າວສູ່ຜົນສໍາເລັດໃນເປົ້າໝາຍປີ 2030”. ກອງປະຊຸມໃຫຍ່ສະຫະປະຊາຊາດວ່າດ້ວຍການປ້ອງກັນອາຊະຍາກໍາ ແລະ ຂະບວນຍຸຕິທໍາທາງອາຍາ ເປັນເຄືອຂ່າຍສາກົນທີ່ໃຫຍ່ທີ່ສຸດໃນໂລກ ໂດຍເຕົ້າໂຮມເອົາຫຼາກຫຼາຍພາກສ່ວນ ລວມມີ ບັນດາຜູ້ກໍານົດນະໂຍບາຍ, ຜູ້ປະຕິບັດ, ສະຖາບັນການສຶກສາ, ອົງການຈັດຕັ້ງສາກົນ ແລະ ອົງການຈັດຕັ້ງທາງສັງຄົມ ໃນຂະແໜງວຽກງານປ້ອງກັນອາຊະຍາກໍາ ແລະ ຂະບວນຍຸຕິທໍາທາງອາຍາ ຊຶ່ງໄດ້ເຂົ້າຮ່ວມເພື່ອແລກປ່ຽນປະສົບການ ແລະ ຊອກຫາວິທີການແກ້ໄຂບັນຫາຮ່ວມກັນ ໃນຂອບເຂດທົ່ວໂລກ, ແລະ ສະຖາບັນຊ່ວຍເຫຼືອທາງດ້ານກົດໝາຍ ແລະ ວິຊາການ (ILSTA) ເຫັນໄດ້ເຖິງຄວາມສໍາຄັນໃນວຽກງານດ້ານສະເພາະດັ່ງກ່າວນີ້. ສະຖາບັນຊ່ວຍເຫຼືອທາງດ້ານກົດໝາຍ ແລະ ວິຊາການ (ILSTA) ຮູ້ສຶກປິຕິຍິນດີທີ່ໄດ້ປະກອບສ່ວນສະໜັບສະໜູນການເຂົ້າຮ່ວມຂອງຄະນະຜູ້ແທນ ສປປ ລາວ ຢູ່ໃນກອງປະຊຸມກຽວໂຕຄັ້ງທີ […]

Continue Reading

ການຝຶກອົບຮົມກ່ຽວກັບ “ການສ້າງຄວາມເຂັ້ມແຂງໃນວຽກງານຕ້ານການສໍ້ລາດບັງຫຼວງ” ທີ່ເມືອງ ວັງວຽງ

ສະຖາບັນຊ່ວຍເຫຼືອດ້ານກົດໝາຍ ແລະ ວິຊາການ ຮ່ວມມືກັບ ອົງກາໄອຍະການປະຊາຊົນສູງສຸດ ແຫ່ງ ສປປ ລາວ ໄດ້ຈັດການຝຶກອົບຮົມກ່ຽວກັບ “ການສ້າງຄວາມເຂັ້ມແຂງໃນວຽກງານຕ້ານການສໍ້ລາດບັງຫຼວງ” ໃຫ້ແກ່ໄອຍາການ ທົ່ວພາກກາງ ຂອງ ສປປ ລາວ ທີ່ເມືອງ ວັງວຽງ, ແຂວງວຽງຈັນ. ການເຝິກອົບຮົມໃນຄັ້ງນີ້ ແມ່ນເຂົ້າຮ່ວມໂດຍ ບັນດາພະນັກງານຈຳນວນຫຼາຍກວ່າ 65 ທ່ານ ຈາກອົງການໄອຍະການປະຊາຊົນພາກກາງ, ອົງການໄອຍະການທະຫານ ແລະ ອົງການໄອຍະການປະຈຳ 6 ແຂວງພາກກາງ, ເຊິ່ງລວມມີ ແຂວງ ວຽງຈັນ, ໄຊສົມບູນ, ຊຽງຂວງ, ບໍລິຄຳໄຊ, ຄຳມ່ວນ ແລະ ນະຄອນຫຼວງວຽງຈັນ. ຜູ້ອຳນວຍການ ແລະ ເຈົ້າໜ້າທີ່ໂຄງການ ຈາກສະຖາບັນ ILSTA, ທ່ານ ຈອນ ຄອນນໍລີ ແລະ ທ່ານ ຄິດ ຟາຄູຮາຊັນ ໃຫ້ນຳພາໃນການນຳສະເໜີໃນຫົວຂໍ້ກ່ຽວກັບ ການສໍ້ລາດບັງຫຼວງ, ການຟອກເງິນ ແລະ ການສືບສວນ-ສອບສວນດ້ານການເງິນ. […]

Continue Reading

ກິດຈະກຳການຕ້ານສໍ້ລາດບັງຫຼວງ, ທີ່ມະຫາວິທະຍາໄລ ວິທະຍາສາດ ສຸຂະພາບ

ນັກຮຽນ ແລະ ອາຈານ ຈຳນວນ 450 ຄົນ ໄດ້ເຂົ້າຮ່ວມໃນກິດຈະກຳການຕ້ານສໍ້ລາດບັງຫຼວງ, ຈັດຂຶ້ນໂດຍ ສະຖາບັນ LSTA, ໂດຍຮ່ວມມືກັບ ອົງການກວດກາລັດ ແລະ ມະຫາວິທະຍາໄລ ວິທະຍາສາດ ສຸຂະພາບ. ທ່ານ ເທບພະໄທ ພັນກ້າ, ຮອງຫົວໜ້າກົມກວດກາ-ຕ້ານການສໍ້ລາດບັງຫຼວງ ອົງການກວດກາລັດຖະບານ, ໄດ້ນຳສະເໜີຜູ້ເຂົ້າຮ່ວມ ກ່ຽວກັບກິດຈະກຳໃນການຕ້ານສໍ້ລາດບັງຫຼວງ ໃນຂະແໜງການສຶກສາ ທີ່ປະຕິບັດໂດຍ ອົງການກວດກາລັດຖະບານ ໃນປີທີ່ຜ່ານມາ. ທ່ານ ຈອນ ຄອນນໍລີ ໄດ້ໃຫ້ຂໍ້ມູນກ່ຽວກັບກົດໝາຍກ່ຽວກັບການຕ້ານສໍ້ລາດບັງຫຼວງທີ່ປະຕິບັດໃນ ສປປ ລາວ ແລະ ສາກົນ. ການບັນຍາຍແມ່ນຈົບລົງດ້ວຍກິດຈະກຳຖາມ-ຕອບທີ່ຄຶກຄື້ນ. ພ້ອມດຽວກັນນັ້ນ, ທ່ານ ໄຊຄຳ ອຸ່ນມີໄຊ, ຮອງປະທານອົງການກວດກາລັດຖະບານ ໄດ້ມອບ ໂປສເຕີໃນການຕ້ານສໍ້ລາດບັງຫຼວງຈາກ ສະຖາບັນ ILSTA ໃຫ້ແກ່ມະຫາວິທະຍາໄລ ວິທະຍາສາດ ສຸຂະພາບ.

Continue Reading